தமிழ் சினிமாவில் பேய் கதைகள் புதிதல்ல. ஆனால் அந்த பேயை ஒரு பைக்குடன் இணைத்தால்? அந்த வித்தியாசமான முயற்சிதான் கருப்பு பல்சர். யஷோ என்டர்டெயின்மென்ட் சார்பில் டாக்டர் முரளி கிருஷ்ணன் தயாரிப்பில், முரளி கிரிஷ் எஸ் எழுதி இயக்கியுள்ள இந்த படம், வழக்கமான திகில் பாதையில் செல்லாமல், ஒரு சாதாரண மனிதனின் வாழ்க்கையில் நடக்கும் அசாதாரண மாற்றங்களை கமர்ஷியலாக பேசுகிறது.
🧩 கதை – ஒரு பொய், ஒரு பைக், பல மர்மங்கள்
சென்னையில் சாதாரணமாக வாழும் இளைஞராக அட்டகத்தி தினேஷ். திருமண கனவுகளுடன் மேட்ரிமோனி வழியாக அறிமுகமாகும் நாயகி ரேஷ்மா வெங்கடேஷ். ஒரு சிறிய பொய் – “என்னிடம் கருப்பு பல்சர் இருக்கிறது” என சொல்லி விடுகிறார் – அந்த பொய்யை உண்மையாக்க வாங்கப்படும் பழைய பைக், பல பிரச்சனைகளை கூட்டி வருவவது தான் படத்தின் மையம்.
அந்த பைக் தினேஷின் வாழ்க்கையில் நுழைந்த பிறகு நடக்கும் விபரீதங்கள், அதற்குப் பின்னால் இருக்கும் இருண்ட கடந்த காலம், கொஞ்சம் கொஞ்சமாக வெளிப்படுகிறது. பேய் இருக்கிறதா? இல்ல மனித மனதின் பயமா? உண்மையில் பைக் பின்னால் இருப்பது என்ன என்ற கேள்வியுடன் கதை நகர்கிறது.
🎭 நடிப்பு – அமைதியான நடிப்பில் தினேஷ்
லப்பர் பந்து படத்திற்குப் பிறகு தினேஷ் மீது இருந்த எதிர்பார்ப்பு இயல்பானது. இங்கு அவர் அதிக சத்தமில்லாமல், உள்ளுக்குள் பயம் வரும் வகையில் நடித்துள்ளார். அவரது ஓவர் ஆக்டிங் இல்லாத நடிப்பு கதைக்கு பலம்.
ரேஷ்மா வெங்கடேஷுக்கு பெரிய அளவில் காட்சிகள் இல்லாவிட்டாலும், கதைக்கு தேவையான அளவு தனது பங்கினை சரியாகச் செய்துள்ளார்.
மன்சூர் அலிகான், சரவணன் சுப்பையா, கலையரசன் கண்ணுசாமி போன்றவர்கள் தங்கள் கதாபாத்திரங்களுக்கு நம்பகத்தன்மை கொடுக்கிறார்கள்.
ஆச்சரியமான விஷயம் – Prankster ராகுல். திகில் சூழலுக்கு இடையில் வரும் அவரது காமெடி காட்சிகள், குறிப்பாக இரண்டாம் பாதியில், ரசிகர்களுக்கு நல்ல ரிலீஃப்.
🎧 தொழில்நுட்பம் – ஐடியா நல்லது, எக்ஸிக்யூஷன் ஓகே
இன்பா இசையில் பாடல்கள் பெரிய தாக்கம் இல்லை. ஆனால் பின்னணி இசை சில இடங்களில் பயத்தை தூண்டும் வகையில் வேலை செய்கிறது.
பாஸ்கர் ஆறுமுகத்தின் ஒளிப்பதிவு இருண்ட சூழலை நன்றாக படம் பிடித்திருக்கிறது.
எடிட்டிங் சசி தக்ஷா – வேகமாகவும் சோர்வில்லாமலும் படத்தை எடிட் செய்துள்ளார்.
CG காட்சிகள் இன்னும் ரியலிஸ்டிக்காக இருந்திருந்தால், திகில் அனுபவம் இன்னும் கூடியிருக்கும். பிளாஷ்பேக் பகுதிகள் தான் படத்தின் ஸ்ட்ராங்க் போர்ஷன்.
ஒரு நல்ல ஒன் லைன் ஆனால் திரைக்கதையில் பெரிய அளவில் எந்த புதுமையும் இல்லாததால் படம் சுமாரான படமாக முடிகிறது.
✅ மொத்தத்தில்…
கருப்பு பல்சர் ஒரு பரபரப்பான மாஸ் ஹாரர் இல்லை. இது ஒரு மெதுவாக ஊர்ந்து வரும் திகில், ஒரு வித்தியாசமான ஐடியாவுடன்.
புதுமையான கான்செப்ட், அமைதியான நடிப்பு, சில குறைகள் இருந்தாலும், வழக்கமான பேய் படங்களிலிருந்து விலகி பார்க்க விரும்புபவர்களுக்கு இந்த படம் ஒரு நல்ல அனுபவம்.
👉 ரேட்டிங்: ⭐⭐⭐ / 5