பத்திரிகையாளர் MP ஆபிரகாம் லிங்கன் இயக்கி பிக் பிரிண்ட் கார்த்தி தயாரித்த தேசிய தலைவர் பசும்பொன் முத்துராமலிங்கதேவர் திருமகனாரின் வாழ்க்கை வரலாற்று ஆவண படமான “பசும்பொன் தேவர் வரலாறு” டிரைலரை இயக்குனர் இமயம் பாரதிராஜா நாளை வெளியிடுகிறார்.
இது குறித்து பிக் பிரிண்ட் கார்த்தி வெளியிட்ட செய்திக் குறிப்பில், “ நேதாஜியோடு இணைந்து தேச விடுதலைக்கு பாடுபட்ட தென்னாட்டு நேதாஜி தேசிய தலைவர் பசும்பொன் சிங்கம் அய்யா முத்துராமலிங்க தேவர் திருமகனாரின் முழுமையான வாழ்க்கை வரலாற்று ஆவண படத்தை “பசும்பொன் தேவர் வரலாறு” என்ற பெயரில் கடந்த 2008ம் ஆண்டு திரையரங்குகள் மூலம் வெளியிட்டோம்.
அதுவரை அவர் தொடர்பான எந்த ஒரு படைப்பும் வரவில்லை. எங்களின் “பசும்பொன் தேவர் வரலாறு” ஆவண படத்திற்கு பெரும் வரவேற்பு கிடைத்தது. அதோடு, உலக அளவில் ஒரு அரசியல் தலைவரின் வாழ்க்கை வரலாற்று ஆவண படம் தியேட்டரில் வணிக ரீதியில் வெளியாகி வந்த ஒரே படம் என்ற பெயரையும் பெற்றது.
இப்போது அந்த படத்தின் டிஜிட்டல் வடிவம் வரும் அக்டோபர் 30 தேதி இணையத்தில் முதல் முறையாக வெளியாக உள்ளது. முன்னதாக நாளை 29.10.20 அன்று மதியம் 1 மணிக்கு “பசும்பொன் தேவர் வரலாறு” ஆவண படத்தின் டிரைலரை இயக்குனர் இமயம் பாரதிராஜா தனது ட்விட்டர் பக்கத்தில் வெளியிட இருக்கிறார்கள்.
நீண்டகாலம் விளம்பர துறையில் கோலோச்சிவரும் எனது பிக்பிரிண்ட் பிக்சர்ஸ் தயாரித்துள்ளது..பிரபலமான பல முன்னணி நாளிதழ்களில் செய்தியாளராக பணியாற்றிய எம்.பி.ஆபிரகாம் லிங்கன் இந்த வரலாற்று படத்துக்கான வசனம் எழுதி இயக்கி இருக்கிறார்” என்று தெரிவித்துள்ளார்
தொழில்நுட்ப கலைஞர்கள்
பின்னணி குரல்- நடிகர் வாகை சந்திரசேகர் MLA
பாடல்கள் – யுகபாரதி
எடிட்டிங் – தணிகாசலம்
இசை – விஜய் ஆண்டனி
ஒளிப்பதிவு – ஜீவா ஷங்கர்
நிர்வாகம்,ஆவணங்கள் சேகரிப்பு – மோனிதா
எழுத்து – இயக்கம் – எம்.பி.ஆபிரகாம் லிங்கன்.
தயாரிப்பு – பிக்பிரிண்ட் பிக்சர்ஸ் கலைச்செல்வி
பத்திரிகை தொடர்பு – நிகில்முருகன்
