நம் பண்டைய கால புனித நூலான இராமாயணம் பல விதங்களில் மீளுருவாக்கம் செய்யப்பட்டுக்கொண்டே இருக்கிறது. அந்த வகையில் குழந்தைகளும் ரசிக்கும் வண்ணம் கார்டூன் பாணியில் உருவாகியிருக்கும் “தி லெஜண்ட் ஆஃப் பிரின்ஸ் ராமா”.
ராமனின் கதை நமக்கு புதிதல்ல அதனால படம் உருவாகியிருக்கும் விதம் தான் முக்கியம், நம் பாரம்பரியத்தை ஜப்பானிய கலை நுணுக்கத்தோடு உருவாக்கியுள்ளது இந்தப்படக்குழு.
யுகோ சகோவால் உருவாக்கப்பட்டு & கொய்ச்சி சசாகி மற்றும் ராம் மோகன் இயக்கியுள்ள இந்தத் திரைப்படம், 450 இந்திய -ஜப்பானிய கலைஞர்கல் இணைந்து, கிட்டத்தட்ட 100,000 கையால் வரையப்பட்ட செல்களைப் பயன்படுத்தி உருவாக்கப்பட்டுள்ளது. ஜப்பானிய கலை நுணுக்கத்தை, இந்தியாவின் காலத்தைக் கடந்த கதைசொல்லலுடன் பாரம்பரியத்தை இணைத்து ஒரு காட்சி விருந்தாக உருவாக்கியுள்ளனர்.
படம் முழுக்க கார்டூன் வியந்து பாரக்கும் விஷுவல்கள் மற்றும் அதிர வைக்கும் போர் காட்சிகளை காட்டி விருந்து வைத்துள்ளது படக்குழு.
ராமரின் பிறந்த இடமான அயோத்தியில் ஆரம்பித்து, மிதிலா, ராமர் சீதையை மணந்த கதை, இளவரசர் ராமர் தனது வனவாசத்தை சீதை & லக்ஷ்மணருடன் கழித்ததது, பஞ்சவடி காடு மற்றும் லங்கா, ராமர் மற்றும் மன்னன் ராவணன் இடையே நடந்த போர் இராமாயணத்தின் அத்தனை முக்கிய காட்சிகளும் படத்தில் வருகிறது.
நம் இந்தியாவில் ஜப்பானிய அனிமேசனுக்கு காமிக்ஸ்க்கு நிறைய ரசிகர்கள் உண்டு இப்படம் பாணியில் உருவாகியிருப்பது சிறப்பு.
நாம் சிறு வயதில் கேட்டு மகிழ்ந்த கதையை, திரையில் கண்டு மகிழ ஆசையிருந்தால் இப்படத்தை தவற விடாமல் பாருங்கள்.