அர்னால்டுக்கு இரண்டாவது இதய அறுவை சிகிச்சை: நலமாக இருப்பதாக தகவல்!

0
297

73 வயதான அர்னால்ட் ஸ்வார்ஸ்னேக்கர், தான் இரண்டாவது இதய அறுவை சிகிச்சை செய்து கொண்டதாக மருத்துவமனையில் படுக்கையில் இருந்து ஒரு புகைப்படம் எடுத்து வெளியிட்டு உள்ளார். நுரையீரல் வால்வை மாற்றுவதற்காக 2018-ம் ஆண்டில் அர்னால்டுக்கு முதல் இதய அறுவை சிகிச்சை செய்யப்பட்டது.

ஹாலிவுட் திரைப்பட நடிகரும், அமெரிக்காவின் முன்னாள் அரசியல் தலைவருமாக இருந்தவர் அர்னால்டு. இவரது “டெர்மினேட்டர்” சீரியஸ் திரைப்படங்கள் உலகப் பிரபலம். கடந்த 2003ஆம் ஆண்டு முதல் 2011 வரை கலிபோர்னியா மாகாணத்தின் ஆளுநராக இருந்துள்ளார். மீண்டும் திரை உலகிற்கு திரும்பிய இவர், ”டெர்மினேட்டர் டார்க் பேட்” என்ற திரைப்படத்தில் நடித்தார்

தற்போது 73 வயதான அர்னால்டுக்கு ஏற்கனவே ஒரு இதய அறுவை சிகிச்சை நடந்துள்ளது. இம்முறை இதயத்தில் இருக்கும் பெருநாடி வால்வை மாற்ற அறுவை சிகிச்சை நடந்துள்ளது.

இது குறித்து இன்ஸ்டாகிராமில் பதிவிட்டிருக்கும் அர்னால்ட், “க்ளீவ்லேண்ட் மருத்துவமனைக்கு நன்றி. எனக்கு இப்போது போன அறுவை சிகிச்சையில் வைக்கப்பட்ட புதிய நுரையீரல் வால்வோடு சேர்த்து புதிதாக பெருநாடி வால்வும் இருக்கிறது. நான் அற்புதமாக உணர்கிறேன். க்ளீவ்லேண்ட் தெருக்களில் நடந்து, உங்கள் சிலைகளை ரசிக்க ஆரம்பித்துவிட்டேன். என் குழுவில் இருந்த அனைத்து மருத்துவர்களுக்கும், செவிலியர்களுக்கும் நன்றி” என்று குறிப்பிட்டுள்ளார்.

மருத்துவமனை படுக்கையிலிருந்தபடி கட்டை விரலை உயர்த்திக் காட்டும் ஒரு புகைப்படமும், க்ளீவ்லேண்டைப் பார்க்கும் ஒரு புகைப்படத்தையும் அர்னால்ட் பகிர்ந்துள்ளார்.

LEAVE A REPLY

Please enter your comment!
Please enter your name here