கடந்த ஆண்டில் வெளியான , யோகிபாபு எமதர்மனாக நடித்த தர்மபிரபு வெற்றிப் படத்தின் மூலம் எல்லோரது கவனத்தையும் ஒட்டு மொத்தமாக ஈர்த்த ஸ்ரீ வாரி பிலிம்ஸ் அடுத்ததாக முன்னணி நடிகர்கள் பலரையும் வைத்து வைத்து ஒரு படத்தை தயாரிக்கவிருக்கிறார்கள். குடும்ப உறவுகளின் வலிமையையும் ஒற்றுமையையும் மேம்படுத்தும் விதமாக உருவாகும் இந்த திரைப்படத்தில் கெளதம் கார்த்திக்குடன் இயக்குனர் சேரன் இணைந்து நடிக்கிறார் . டாக்டர் ராஜசேகர் ஜீவிதாவின் இரண்டாவது மகள் ஷிவாத்மிக்கா அறிமுக கதாநாயகியாகவும் நடிக்கவிருக்கிறார்கள் .
மற்றும் டேனியல் பாலாஜி , சரவணன் , கிழக்கு சீமையிலே விக்னேஷ் , சிங்கம் புலி , ஜோமல்லூரி , கவிஞர் சினேகன் , நமோ நாராயணன், சௌந்தர்ராஜன் , விஜய் டிவி ஜாக்குலின் , மௌனிகா, மைனா , பருத்திவீரன் சுஜாதா , ஜானகி , பிரியங்கா , நக்கலைட் தனம் என ஏராளமான நட்சத்திரங்களோடு ஒரு குடும்ப சித்திரமாக உருவாகுகிறது.
இந்த திரைப்படத்தை நந்தா பெரியசாமி எழுதி இயக்க , பொர்ரா பாலபரணி ஒளிப்பதிவில் , சிவப்பு மஞ்சள் பச்சை புகழ் சித்துகுமார் இசையமைப்பில் கவிஞர் சினேகன் பாடல்கள் எழுத , ஸ்ரீ வாரி பிலிம்ஸ் தயாரிப்பில் P. ரங்கநாதன் தயாரிக்க வரும் மார்ச் மாதம் முதல் தொடர்ந்து படப்பிடிப்பு நடைபெறவுள்ளது .
இந்த படம் குறித்து இயக்குனர் நந்தா பெரியசாமி ,” இது ஒரு கிராமப்புற குடும்ப கதை. ஒரு இளைஞன் பிரிந்து போன தனது குடும்பத்தை மீண்டும் ஒன்றிணைப்பது பற்றிய எளிய கதை. பிக் பாஸ் போன்ற ஒரு நிகழ்ச்சியை நாம் பார்க்கும்போது, ஹவுஸ் மேட்ஸ் அமைதி உணர்வை உறுதிப்படுத்தக் கடுமையாகப் பாடுபடுகின்றனர். அதே போல் மனக் கசப்பில் பிரிந்திருக்கும் உறவுகளைக் கவுதம் எவ்வாறு இணைக்கிறார் என்பது கதையின் முக்கிய அம்சமாக அமைகிறது. இது வருஷம் பதினாறு படத்தின் சாயலில் இருக்கும் (கவுதமின் தந்தை கார்த்திக், முக்கிய கதாபாத்திரத்தில் நடித்தது) வரிசையில் இருக்கும். ’
இப்படத்திற்கு சிவாத்மிகாவில் ஒப்பந்தம் செய்யப்பட்டது ஏன் என்றால். இப்படத்தின் ஹீரோயின் நம் பக்கத்து வீட்டுப் பெண் போன்ற உணர்வை ஏற்படுத்த வேண்டும் என்று எண்ணினேன், அதற்கு சிவாத்மிகா பொருத்தமாக இருந்தார். அவர் படத்தில் உள்ளூர் தொலைக் காட்சி தொகுப்பாளராக நடிக்கிறார். அவரது கதாபாத்திரம் மிகவும் அருமையானது, அதே நேரத்தில் கவுதம் ஒரு அமைதியான இளைஞனாக நடிக்கிறார். சிவாத்மிகாவை அவரது பாத்திரத்திற்காக ஆடிஷன் செய்தேன். அவரது தாயார் ஜீவிதா போலவே இருக்கிறார். இந்த கதாபாத்திரத்திற்கு மிகவும் பொருத்தமானவர்.இயக்குனர் சேரன், கவுதமின் மாமாவாக நடிக்கிறார். சரவணன், டேனியல் பாலாஜி மற்றும் ஜாக்குலின் பெர்னாண்டஸ் ஆகியோர் படத்தில் முக்கிய வேடங்களில் நடிக்கின்றனர் ”என்றார் இயக்குனர்.