நடன இயக்குனராக கலக்கி வரும் சதீஷ் இயக்குநராக அரிமுகமாகியுள்ள படம், கவின் ப்ரீத்தி அஸ்ரானி ஜோடியில் ஒரு காதல் பெண்டஸி ஜானரில் வந்திருக்கும் படம்
✨ கதை
இயற்கையாகவே காதல் விஷயங்களை வெறுக்கிற நாயகன் (கவின்), திடீரென ஒரு மந்திர புத்தகத்தைக் கைப்பற்றுகிறான். அந்த புத்தகம் அவனுக்கு ஒரு விசித்திர சக்தியை அளிக்கிறது – யாரேனும் முத்தமிடும் போது, அவர்களின் எதிர்காலம் அவனுக்குத் தெரியும்! இந்த விசித்திர சக்தி அவனை சிக்கலில் தள்ளுகிறதா அல்லது வாழ்க்கையை மாற்றுகிறதா என்பதுதான் படத்தின் கதை.
பலம்
கவின் – இளமையான தோற்றத்துடன் இயல்பாக நடித்திருக்கிறார். அவரின் சீரான காமெடி டைமிங்கும், சில எமோஷனல் சீன்களும் நன்றாக வேலை செய்கின்றன.
ப்ரீத்தி அஸ்ராணி – குறைவான பங்களிப்பே இருந்தாலும், அழகாகத் திரையில் இடம் பிடித்துள்ளார். கவினுடன் ரொமான்ஸ் காட்சிகளில் அசத்துகிறார்.
கவின் ப்ரீத்தி அஸ்ராணி கெமிஸ்ட்ரி படத்திற்கு பெரிய பலம், பல காலம் கழித்து தமிழ் சினிமாவில் ஜாலியான லவ்வை பார்ப்பது மகிழ்ச்சியாக இருக்கிறது.
காமெடி ட்ராக் – விடிவி கணேஷ், ஆர்.ஜே. விஜய் போன்றோரின் சின்னச்சின்ன காமெடிகள் படம் மெதுவாகச் செல்லும் தருணங்களில் உயிரூட்டுகின்றன.
இசை & பின்னணி – காதல் காட்சிகளுக்கு சரியான ரொமான்ஸ் உணர்ச்சியையும், ஃபான்டஸி காட்சிகளுக்கு சரியான ‘மூட்’ ஐயும் அமைத்துள்ளது.
குறைகள்
ஸ்கிரிப்ட் – புதுமையான ஐடியா இருந்தாலும், கதை சொல்லும் விதத்தில் சில இடங்களில் லாஜிக் குறைகள் தெரிகின்றன.
முதல் பாதி – கதை ஆரம்பிக்க அதிக நேரம் எடுத்துக்கொண்டதால் சற்று சலிப்பு உண்டாகிறது.
கிளைமாக்ஸ் – “Wow” உணர்ச்சி தராமல், சாதாரணமாக முடிகிறது.
எமோஷனல் கனெக்ட் – காதல் சீன்கள் சில இடங்களில் ஆழமில்லாமல் தோன்றுகின்றன.
மொத்தத்தில்
“கிஸ்” ஒரு சாதாரண ரொமான்ஸ் படம் மட்டுமல்ல, அதில் ஒரு ஃபான்டஸி ட்விஸ்ட் இருக்கிறது. அந்த சுவாரஸ்ய முயற்சியே இதை கொஞ்சம் வித்தியாசமாக்குகிறது. ஆனால், கதை சொல்லும் பாணி இன்னும் கூர்மையாய் இருந்திருந்தால், படம் அடுத்த நிலைக்கு சென்றிருக்கும்.
⭐ மதிப்பெண்: 3 /5 – ஒருமுறை பார்க்கக் கூடிய இளைய தலைமுறை ரொமான்ஸ் + ஃபான்டஸி படம்.