சிம்பு மியூசிக்கில் உருவான சக்க போடு போடு ராஜா’ பட பாடல் க்ளிம்ப்ஸ்

0
255

சந்தானம் நடிப்பில் சிம்பு இசையமைக்கும் படம் ‘சக்க போடு போடு ராஜா’. இந்தப் படத்தை நடிகரும் தயாரிப்பாளருமான வி.டி.வி.கணேஷ் தயாரித்துள்ளார்.  சந்தானத்திற்கு ஜோடியாக வைபவி சாண்டில்யா டூயட் பாடி ஆடி வருகிறார்.மேலும், முக்கிய வேடங்களில் விவேக், ரோபோ ஷங்கர், விடிவி கணேஷ், சம்பத், சஞ்சனா சிங் ஆகியோர் நடிக்கின்றனர். நடிகர் ‘யங் சூப்பர் ஸ்டார்’ சிம்பு இசையமைத்து வரும் இதற்கு அபிநந்தன் ராமானுஜம் ஒளிப்பதிவு செய்து வருகிறார், ஆண்டனி படத்தொகுப்பாளராக பணியாற்றுகிறார். ‘விடிவி புரொடக்ஷன்’ நிறுவனம் சார்பில் விடிவி கணேஷ் தயாரித்து வருகிறார்.

தற்போது இப்படத்தின் `கலக்கு மச்சா தௌலாத்துல’ பாடல் யூடியூபில் நேற்று(செப்டம்பர் 8) வெளியாகியுள்ளது. இந்தப் பாடலை இசையமைப்பாளர் அனிருத் பாடியுள்ளார்.`பீப்’ பாடல் பாடி பெரும் சர்ச்சைக்கு உள்ளானன, அனிருத்-சிம்பு கூட்டணி ‘சக்க போடு போடு ராஜா’ படத்துக்காக மீண்டும் இணைந்துள்ளது. இப்படத்தில் அறிமுக பாடலாக வரவிருக்கும் `கலக்கு மச்சா தௌலாத்துல’ பாடலை அனிருத் பாடியுள்ளார். இந்தப் பாடலின் 1:10 நிமிட பாடல் பதிவு காட்சிகளுடன் கூடிய பாடல் முன்னோட்டம் பெரும் வரவேற்பைப் பெற்று வருகிறது. இதுவரையில் 1.33 லட்சம் பேர் பார்த்துள்ள இந்தப் பாடலை சிம்புவே எழுதியுள்ளார். .