அமீர் கதாநாயகனாக நடிக்க ஆதம்பாவாவின் இயக்கத்தில் வெளிவந்திருக்கும் திரைப்படம் உயிர் தமிழுக்கு. அரசியல் கதைக்கள பின்னணியில், ஆர்வத்தை தூண்டிய படம் ரசிகர்களைக் கவர்ந்திருக்கிறதா? அமீருடன் இந்தப் படத்தில் இமான் அண்ணாச்சி, ராஜ்கபூர், ஆனந்தராஜ், சரவண சக்தி, மகாநதி சங்கர், சுப்பிரமணியம் சிவா, கஞ்சா கருப்பு ஆகியோர் நடித்திருக்கிறார்கள். பொதுவாகவே இயக்குநர் அமீர் நிஜ வாழ்வில் நிறைய அரசியல் பேசுபவர், அவரது படைப்புகளும் அரசியல் நேர்த்தன்மையுடன் இருக்கக்கூடிய படைப்புகள், இப்படம் அவரது நடிப்பில் அரசியல் பின்புலத்தில் உருவாகிறது என்றவுடன் ரசிகர்களிடம் பெருத்த எதிர்பார்ப்பு இருந்தது அந்த எதிர்பார்ப்புகளையெல்லாம் இந்த படம் நிறைவு செய்ததா? ஒரு அரசியல் காமெடித் திரைப்படம் பார்க்கப் போகிறோம் என்ற எண்ணத்தில் படத்துக்குச் சென்றால் நமக்குச் சின்ன ஏமாற்றம்தான் இது அரசியல் களத்தில் ஒரு காதல் கதை. தான் விரும்பும் பெண்ணிற்காக அரசியல் களத்தில் குதிக்கும் ஒரு கேபிள் ஆபரேட்டர் அந்த அரசியல் களத்தில் என்னவெல்லாம் செய்கிறார் என்பது தான் படத்தின்…