ஒரு சாதாரண தேர்வு முறைகேடு எப்படி பல குடும்பங்களின் வாழ்க்கையை தலைகீழாக மாற்றுகிறது என்பதை மையமாகக் கொண்டு உருவாகியுள்ள வெப் சீரிஸ்தான் “எக்ஸாம்”. கல்வி, அரசியல், பணம், அதிகாரம் ஆகியவை ஒன்றாக கலக்கும் போது ஏற்படும் விளைவுகளை பரபரப்பாகச் சொல்ல முயற்சித்திருக்கிறது இந்த தொடர். கதை ஒரு முக்கியமான அரசு தேர்வைச் சுற்றி நகர்கிறது. அந்தத் தேர்வில் நடக்கும் முறைகேடுகள், பின்னால் செயல்படும் பெரிய வட்டாரம், அதில் சிக்கிக் கொள்ளும் சாதாரண மாணவர்கள் மற்றும் குடும்பங்களின் போராட்டம் ஆகியவற்றை மையமாக வைத்து திரைக்கதை அமைக்கப்பட்டுள்ளது. ஆரம்ப எபிசோடுகளில் மெதுவாக நகரும் கதை, பின்னர் ஒவ்வொரு எபிசோடாக பரபரப்பை கூட்டிக்கொண்டே செல்கிறது. இந்த தொடரின் மிகப்பெரிய பலம் அதன் யதார்த்தமான அணுகுமுறை. அரசு தேர்வுகளுக்காக இரவு பகலாக உழைக்கும் மாணவர்களின் மனஅழுத்தம், பெற்றோரின் எதிர்பார்ப்பு, வேலை கிடைக்க வேண்டும் என்ற பயம் ஆகியவற்றை மிகவும் நெருக்கமாக பதிவு செய்திருக்கிறார்கள். “ஒரு தேர்வு வாழ்க்கையை…